MAHAKAMA DAR ES SALAAM WANOLEWA KUHUSU MFUMO ULIOBORESHWA KURATIBU MASHAURI

Na Mwandishi wetu-Mahakama, Dar es Salaam

Mahakama Kuu ya Tanzania, Kanda ya Dar es Salaam hivi karibuni iliendesha mafunzo ya mfumo wa kuratibu mashauri ulioboreshwa (e-CMS).

Mafunzo hayo yaliyofanyika katika ukumbi wa mikutano wa Kituo Jumuishi cha Utoaji Haki (IJC) Kinondoni. Wakufunzi wa mafunzo hayo walikuwa Afisa Teknolojia Habari na Mawasiliano (TEHAMA) wa Mahakama Kuu Kanda ya Dar es salaam, Elisia Meela, Afisa TEHAMA IJC Kinondoni Delphina Mwakyusa.

Maafisa hao walisaidiwa na Naibu Msajili Mfawidhi wa Mahakama Kuu Kanda ya Dar es Salaam, Mhe.Sundi Fimbo na Hakimu Mkazi Mfawidhi wa Mahakama ya Hakimu Mkazi Kivukoni, Mhe. Franco Kiswaga.

Mafunzo hayo yalifunguliwa kwa njia ya mkutano mtandao ‘video conference’ na Jaji Mfawidhi Mahakama Kuu Kanda ya Dar es salaam, Mhe.Salma Maghimbi, ambaye alikuwa jijini Mwanza.

Jaji Mfawidhi wa Mahakama Kuu ya Tanzania, Kanda ya Dar es salaam, Mhe.Salma Maghimbi, akifungua mafunzo kwa njia ya mkutano mtandao akiwa jijini Mwanza kuhusu mfumo wa kuratibu mashauri ulioboreshwa. 

Sehemu ya watumishi (picha juu na mbili chini) wakifuatilia hotuba ya ufunguzi wa mafunzo hiyo iliyotolewa na Jaji Mfawidhi Mahakama Kuu ya Tanzania, Kanda ya Dar es salaam, Mhe.Salma Maghimbi (hayupo katika picha).