WAFANYAKAZI BORA KITUO JUMUISHI CHA MASUALA YA FAMILIA TEMEKE WATUNUKIWA VYETI

Na Amina Said-Mahakama, Temeke

Uongozi wa Kituo Jumuishi cha Masuala ya Familia Temeke umewatunuku vyeti watumishi waliofanya vizuri mwaka 2022 katika kutimiza majukumu yao ya kila siku, kama njia moja wapo ya motisha na kutambua kazi wanazozifanya.

Hafla hiyo fupi imefanyika leo tarehe 5 Mei, 2023 katika ukumbi wa Mikutano wa Kituo hicho, ambapo jumla ya Mahakimu 12 wa Mahakama ya Mwanzo wamepongezwa kwa kuhakikisha hakuna mashauri ya mrundikano.

Wakati huo huo, Afisa Teknolojia Habari na Mawasiliano (TEHAMA), Bi. Amina Said amepongezwa kwa jitihada zake za kubuni na kujenga mifumo ya TEHAMA. Kadhalika, Msaidizi wa Kumbukumbu, Bw. Zuberi Bakari, nae alitunukiwa cheti kwa kuchaguliwa kuwa mfanyakazi bora wa mwaka 2023.

Akizungumza katika hafla hiyo, Jaji Mfawidhi wa Kituo hicho, Mhe. Zainabu Goronya amewaomba watumishi wote kuendelea kufanya kazi kwa bidi.

Amesema anatambua upungufu wa watumishi uliopo, hivyo kuahidi kuwasiliana na uongozi wa Mahakama ya Tanzania kuangalia uwezekano wa kuongeza idadi ya Mahakimu.  hasa katika Mahakama ya Wilaya ili kupunguza mzigo wa mashauri waliyonayo katika Mahakama hiyo.  

Jaji Mfawidhi wa Kituo Jumuishi cha Masuala ya Familia Temeke, Mhe. Zainabu Goronya akizungumza na watumishi. Kulia ni Naibu Msajili wa Mahakama Kuu katika Kituo hicho, Mhe. Martha Mpaze.

Jaji Mfawidhi wa Kituo Jumuishi cha Masuala ya Familia Temeke, Mhe. Zainabu Goronya akimkabidhi cheti Hakimu Mkazi Mfawidhi wa Mahakama ya Mwanzo, Mhe. Alois Mwageni.

Msaidizi wa Kumbukumbuku, Bw. Zuberi Bakari akipokea cheti.

Afisa TEHAMA wa Kituo hicho, Bi. Amina Said, akipokea cheti.

Keki maalum iliyoandaliwa kwa ajili ya wafanyakazi bora.

Jaji Mfawidhi wa Kituo Jumuishi cha Masuala ya Familia Temeke, Mhe. Zainabu Goronya akikata keki. Kulia ni Naibu Msajili wa Mahakama Kuu katika Kituo hicho, Mhe. Martha Mpaze.

Nibu Msajili wa Mahakama Kuu ya Tanzania katika Kituo Jumuishi cha Masuala ya Familia Temeke, Mhe. Martha Mpaze akimlisha keki Hakimu Mkazi wa Mahakama ya Mwanzo, Mhe. Nakijwa Kachua.

Naibu Msajili wa Mahakama Kuu ya Tanzania katika Kituo Jumuishi cha Masuala ya Familia Temeke, Mhe. Martha Mpaze akimlisha keki Hakimu Mkazi wa Mahakama ya Mwanzo, Mhe. Upendo Kapama.

Jaji Mfawidhi wa Kituo Jumuishi cha Masuala ya Familia Temeke, Mhe. Zainabu Goronya akiwa katika picha ya pamoja na wafanyakazi bora. Kulia ni Naibu Msajili wa Mahakama Kuu katika Kituo hicho, Mhe. Martha Mpaze na kushoto ni Afisa Utumishi, Bi. Ntuli Athanas.

(Habari hii imehaririwa na FAUSTINE KAPAMA-Mahakama)