USHIRIKIANO WA TAASISI NGUZO MUHIMU KUTATUA CHANGAMOTO ZA WANANCHI; JAJI MTULYA

Na Francisca Swai – Mahakama Musoma

Jaji Mfawidhi wa Mahakama Kuu ya Tanzania Kanda ya Musoma, Mhe. Fahamu Mtulya amemtembelea Mkuu wa Mkoa wa Mara, Mhe. Said Mtanda huku akisema kuwa, ni muhimu viongozi kukutana kwa ajili ya kufahamiana na kujenga ushirikiano mzuri katika kutekeleza majukumu mbalimbali ya kulijenga Taifa.

Katika mazungumzo baina yake na Mhe. Mtanda yaliyofanyika tarehe 25 Julai, 2023 alipomtembelea Mkuu huyo wa Mkoa, Mhe. Mtulya alisema ni muhimu kushirikiana ili utendaji kazi uende vizuri lakini pia aliekeleza kuhusu nguzo ya tatu ya Mpango Mkakati wa Mahakama unaohusu ushirikiano na wadau jambo ambalo pia limekuwa likisisitizwa na viongozi wa juu wa Mahakama ikiwemo Jaji Mkuu wa Mahakama ya Tanzania Prof. Ibrahim Juma.

Naye Mkuu wa Mkoa wa Mara, Mhe. Said Mtanda ambaye pia ni Mwenyekiti wa Kamati ya Maadili kwa Maafisa wa Mahakama ngazi ya Wilaya na Mkoa, alishukuru kwa jambo hilo jema la kufahamiana na kusema kuwa mahusiano mazuri yatasaidia viongozi hao kutekeleza majukumu yao kwa ufanisi, kutatua kero za wananchi kwa pamoja ili kuhakikisha wananchi wanapata haki zao kwa wakati.

Katika ziara hiyo fupi, Jaji Mfawidhi aliongozana na Naibu Msajili wa Mahakama Kuu Kanda ya Musoma, Mhe. Frank Moshi, Mtendaji wa Mahakama Kuu Musoma, Bw. Festo Chonya, Hakimu Mkazi Mfawidhi Mahakama ya Hakimu Mkazi Musoma, Mhe. Erick Marley na Hakimu Mkazi Mfawidhi Mahakama ya Wilaya Musoma, Mhe. Aristida Tarimo.

Jaji Mfawidhi Mahakama Kuu ya Tanzania Kanda ya Musoma, Mhe. Fahamu Mtulya (kushoto) akisalimiana na Mkuu wa Mkoa wa Mara Mhe. Said Mohamed Mtanda (kulia) Ofisini kwa Mkuu wa Mkoa huyo wakati Mhe. Mtulya alipomtembelea Mkuu huyo wa Mkoa tarehe 25 Julai, 2023 kwa lengo la kujitambulisha na kufahamiana.

  Jaji Mfawidhi Mahakama Kuu ya Tanzania Kanda ya Musoma, Mhe. Fahamu Mtulya (kushoto) akimsikiliza Mkuu wa Mkoa wa Mara, Mhe. Said Mohamed Mtanda (mwenye miwani) wakati Jaji Mtulya alipomtembelea RC Mtanda ofisini kwake tarehe 25 Julai, 2023.

Mtendaji wa Mahakama Kuu ya Tanzania, Kanda ya Musoma, Bw. Festo Chonya (aliyesimama) akizungumza jambo ofisini kwa Mkuu wa Mkoa wa Mara, wa pili kulia ni Jaji Mfawidhi Mahakama Kuu ya Tanzania Kanda ya Musoma Mhe. Fahamu Mtulya akisaini kitabu cha wageni. Aliyeketi kulia ni Mkuu wa Mkoa wa Mara, Mhe. Said Mtanda Kushoto na wa kwanza kushoto ni Naibu Msajili wa Mahakama Kuu Kanda ya Musoma, Mhe. Frank Moshi.

Viongozi wa Mahakama Kanda ya Musoma wakifurahi kwa pamoja na Mkuu wa Mkoa wa Mara, Mhe. Said Mohamed Mtanda walipomtembelea ofisini kwake kwa lengo la kujitambulisha na kufahamiana.

Jaji Mfawidhi Mahakama Kuu ya Tanzania Kanda ya Musoma, Mhe. Fahamu Mtulya (aliyenyoosha mkono) akizungumza jambo na Mkuu wa Mkoa wa Mara, Mhe. Said Mohamed Mtanda.

Jaji Mfawidhi Mahakama Kuu ya Tanzania Kanda ya Musoma ,Mhe. Fahamu Mtulya (wa tatu kushoto), Mkuu wa Mkoa wa Mara Mhe. Said Mohamed Mtanda (wa tatu kulia) wakiwa katika picha ya pamoja na viongozi wa Mahakama Kanda ya Musoma waliooambatana na Jaji Mfawidhi walipokwenda kujitambulisha ofisini kwa Mkuu wa Mkoa wa Mara.

(Taarifa hii imehaririwa na Mary Gwera, Mahakama)