JAJI KIONGOZI AHIMIZA UMUHIMU WA MICHEZO

Na Sade Soka- Mahakama (UDSM)  

Jaji Kiongozi wa Mahakama Kuu ya Tanzania Mhe Mustapher Mohamed Siyani, amehimiza umuhimu wa mazoezi kwa watumishi wote wa Mahakama ya Tanzania.

 

Alitoa tamko hilo jana jioni tarehe 22 Agosti ,2023 katika Viwanja vya Shule ya Sheria (law school) vilivyopo jijini Dar es salaam, wakati wa maandalizi ya Bonanza maalum lilioandaliwa na Chama cha Majaji na Mahakimu Tanzania (JMAT) Mkoa wa Dar es salaam litakalofanyika tarehe 9 septemba 2023.

 

Mhe. Jaji Kiongozi, amesema kwamba watumishi hao wanatakiwa kushiriki kwa sababu wao ni familia moja na michezo ni muhimu kwa sababu wanatumia muda mwingi kukaa mahakamani wanapotimiza majukumu yao ya kila siku.

 

Aliongeza kuwa michezo ina uhimarisha afya inatufanya tuweze kutimiza majukumu yetu ya kila siku vizuri.

 

“Michezo inaimarisha afya, na afya inaweza kufanya hutimize majukumu yetu. Bila afya hatuwezi kutimiza majukumu ambayo taifa letu limetupa sisi tufanye na sisi tulifanyie na jukumu pekee tulilonalo sisi ni kutoa haki, kwa Watanzania,” amesisitiza Mhe. Jaji   Kiongozi Siyani.

 

Aliwataka watumishi wa Mahakama kushiriki kwenye mazoezi hayo wafike bila kukosa kwa manufaa ya afya zao na kuwaahidi atakuwa akishiriki kila atakapopata nafasi.

 

Aidha Jaji Kiongozi huyo amempongeza Mwenyekiti wa Kamati ya Maandilizi ya Bonanza hilo, Mhe. Shabani Lila, ambaye ni Jaji wa Mahakama ya Rufani Tanzania, pia Mwenyekiti wa JMAT tawi la Mahakama hiyo Mkoa wa Dar es Salaam kwa kuliandaa ambalo litawakutanisha watumishi wote wa eneo hilo na kuimarisha umoja. Pia alishauri suala hilo liwe endelevu. 

 

Jaji Kiongozi wa Mahakama Kuu ya Tanzania, Mhe. Mustapher Mohamed Siyani, (wa tatu kulia) akishiriki jana jioni tarehe 22, Agosti , 2023 kwenye mazoezi  ya viungo  kwa ajili ya Bonanza maalum liloandaliwa na Chama cha Majaji na Mahakimu Tanzania (JMAT) Mkoa wa Dar es Salaam, litakalofanyika  tarehe 9 Septemba, 2023 kwenye Viwanja vya Shule ya Sheria(Law School), jijini Dar es Salaam.Wengine wa (pili kulia)ni  Mwenyekiti wa   Chama cha Majaji na Mahakimu Tanzania (JMAT) wa tawi la Mahakama ya Rufani Tanzania, Mhe. Shabani Lila, (wanne kushoto) ni Jaji wa Mahakama ya Rufani Tanzania, Mhe. Gerson Mdemu, na (wa (kwanza kulia) ni Jaji Mfawidhi wa Mahakama Kuu ya Tanzania Divisheni ya Kazi, Mhe. Dkt. Yose Mlyambina.

Baadhi ya Majaji wakiwa mazoezini, (aliyevaa tisheti ya

bluu) ni Jaji Mfawidhi wa Mahakama ya Kuu ya Tanzania, Kituo cha Usuluhishi, Mhe. Zahra Maruma na (mwenye tisheti nyekundu) ni Jaji wa Mahakama Kuu ya Tanzania Divisheni ya Ardhi, Mhe. Kevin Mhina.

Jaji Kiongozi wa Mahakama Kuu ya Tanzania, Mhe. Mustapher Mohamed Siyani akifurahia jambo wakati akishuhudia wachezaji wa mchezo wa kuvuta kamba wanawake.picha ya  chini ni wachezaji wa mchezo huo  wanaume. 

Wachezaji wa mchezo wa kukimbia kwa magunia wakiwa mazoezini, inayofuata ni wachezaji wakiwa mazoezini.

Jaji Kiongozi wa Mahakama Kuu ya Tanzania, Mhe. Mustapher Mohamed Siyani akiendesha baiskeli kwa mwendo wa polepole.

Jaji Kiongozi wa Mahakama Kuu ya Tanzania, Mhe. Mustapher Mohamed Siyani akimpiga chenga Jaji wa Mahakama ya Rufani Tanzania, Mhe. Gerson Mdemu, katika mazoezi ya mchezo wa mpira wa miguu.

 

Jaji Mfawidhi wa Mahakama ya Kuu ya Tanzania, Kituo cha Usuluhishi, Mhe. Zahra Maruma akifunga goli katika mchezo wa  mpira wa pete kwenye mazoezi hayo.

 Jaji Kiongozi wa Mahakama Kuu ya Tanzania, Mhe. Mustapher Mohamed Siyani akipiga danadana 100, huku akishuhudiwa na Mwenyekiti wa Chama cha Majaji na Mahakimu Tanzania (JMAT) wa tawi la Mahakama ya Rufani Tanzania, Mhe. Shabani Lila, (kushoto).

 

Wachezaji wa mpira wa miguu wakifurahia jambo.

 

 Jaji Kiongozi wa Mahakama Kuu ya Tanzania, Mhe. Mustapher Mohamed Siyani(kushoto) akicheza mchezo wa bao na Hakimu Mkazi na Mwenyekiti wa JMAT tawi la Mahakama Kuu Masjala Kuu, Mhe. Mary Kallomo(kulia).

Jaji Mfawidhi wa Mahakama Kuu ya Tanzania Divisheni ya Biashara, Mhe. Cyprian Mkeha (kushoto) akicheza karata na Jaji wa Mahakama Kuu ya Tanzania Divisheni ya Biashara, Mhe. Dkt. Theodora Mwenegoha(katikati) akiwemo Makamu Mwenyekiti wa JMAT tawi la Mahakama Kuu ya Tanzania Kanda ya Dar es Salaam(kulia) ambaye pia ni Hakimu Mkazi Mkuu, Mhe. Ramadhani Rugemalira.

 

(Picha na Magreth Kinabo- Mahakama)