JAJI MKUU AMWAPISHA HAKIMU MKAZI MPYA

·Amtaka kuzingatia kiapo chake

Na Faustine Kapama, Mahakama na Sade Soka (UDSM)

Jaji Mkuu wa Tanzania, Mhe. Prof. Ibrahim Hamis Juma leo tarehe 24 Agosti, 2023 amemwapisha Hakimu Mkazi, Mhe. Langeni Robert kushika wadhifa huo.

Uapisho huo umefanyika katika ofisi ya Jaji Mkuu iliyopo katika jengo la Mahakama ya Rufani jijini Dar es Salaam na kuhudhuriwa na Viongozi mbalimbali, akiwemo Jaji Kiongozi wa Mahakama Kuu ya Tanzania, Mhe. Mustapher Mohamed Siyani.

Viongozi wengine waliohudhuria hafla hiyo ni Msajili Mkuu wa Mahakama ya Tanzania, Mhe. Wilbert Chuma, Mtendaji wa Mahakama Kuu ya Tanzania-Divisheni, Bi. Mary Shirima, ambaye alimwakilisha Mtendaji Mkuu wa Mahakama ya Tanzania na Msajili wa Mahakama Kuu ya Tanzania, Mhe. Sharmillah Sarwatt.

Wengine ni Naibu Msajili Mwandamizi wa Mahakama ya Rufani, Mhe. Emmanuel Mrangu, Naibu Msajili Mwandamizi wa Mahakama Kuu ya Tanzania, Mhe. Arnold Kirekiano, Naibu Msajili Bernazitha Maziku, Mtendaji wa Mahakama Maria Itala na wengine wengi.

Akizungumza katika hafla hiyo fupi, Jaji Mkuu alimtaka Hakimu huyo mpya kuzingatia yale yote aliyojifunza katika semina elekezi iliyotolewa kwa Mahakimu Wakazi 39 wapya hivi karibuni katika Chuo cha Uongozi wa Mahakama Lushoto ili kuimarisha kiapo chake.

“Kiapo chako cha leo ni nyenzo muhimu kuliko yote kwa sababu kimetoa muhtasari kwa mambo muhimu ambayo unatakiwa kuyafuata. Ukiweza kufuata kiapo chako hutapata changamoto ya aina yoyote. Nikutakie kila heri katika kazi zako za uhakimu,” amesema.

Tarehe10 Agosti, 2023, Jaji Mkuu aliwaapisha Mahakimu Wakazi 38 wapya na kuwataka kuwa huru, kuvumilia na kujiepusha na upendeleo wowote ili kutekeleza kikamilifu jukumu la utoaji haki kwa wananchi.

Aliwakumbusha Mahakimu hao umuhimu walionao katika jamii kwa kuwa ndiyo wanaoshughulikia asilimia 70 ya mashauri yote yanayosajiliwa katika ngazi mbalimbali za Mahakama.

Mhe. Prof. Juma aliwahimiza kuendeza zifa zilizopelekea wao kupata nafasi ya kuhudumu katika nafasi ya Hakimu Mkazi, ikiwemo kuwa huru, kutokuwa na upendeleo, kuwa na uvumilivu, kusikiliza ushahidi kwa makini na kutafakari kwa kina sheria kabla ya kufikia maamuzi.

Jaji Mkuu wa Tanzania, Mhe. Prof. Ibrahim Hamis Juma akimwapisha Hakimu Mkazi, Mhe. Langeni Robert kushika wadhifa huo katika hafla iliyofanyika ofisini kwake jijini Dar es Salaam leo tarehe 24 Agosti, 2023.

Hakimu Mkazi, Mhe. Langeni Robert (juu) akisaini kiapo chake. Picha chini, Jaji Mkuu wa Tanzania, Mhe. Prof. Ibrahim Hamis Juma akisaini kiapo hicho.

Jaji Mkuu wa Tanzania, Mhe. Prof. Ibrahim Hamis Juma akimkabidhi Hakimu Mkazi, Mhe. Langeni Robert baadhi ya nyaraka za kufanyia kazi. 

Jaji Mkuu wa Tanzania, Mhe. Prof. Ibrahim Hamis Juma (juu) akiongea na Mhe Langeni Robert baada ya kumwapisha. Picha chini ni baadhi ya Viongozi waliohudhuria uapisho huo. Anayefuatia kutoka kwa Mhe. Langeni ni Naibu Msajili Mwandamizi wa Mahakama ya Rufani, Mhe. Emmanuel Mrangu, Naibu Msajili Bernazitha Maziku na Naibu Msajili Mwandamizi wa Mahakama Kuu ya Tanzania, Mhe. Arnold Kirekiano.

Sehemu ya Viongozi waliohudhuria uapisho huo. Kutoka kulia ni Jaji Kiongozi wa Mahakama Kuu ya Tanzania, Mhe. Mustapher Mohamed Siyani, Msajili Mkuu wa Mahakama ya Tanzania, Mhe. Wilbert Chuma, Mtendaji wa Mahakama Kuu ya Tanzania-Divisheni, Bi. Mary Shirima, ambaye alimwakilisha Mtendaji Mkuu wa Mahakama ya Tanzania na Msajili wa Mahakama Kuu ya Tanzania, Mhe. Sharmillah Sarwatt.

Viongozi mbalimbali wa Mahakama wakichukua kumbukumbu kadhaa wakati wa hafla ya kumwapisha Hakimu Mkazi, Mhe. Langeni Robert. Kutoka kulia ni Mtendaji wa Mahakama Maria Itala, Katibu wa Jaji Kiongozi wa Mahakama Kuu ya Tanzania, Mhe. Aidan Mwilapwa na Katibu wa Msajili Mkuu wa Mahakama ya Tanzania, Mhe. Jovin Binshanga.

Jaji Mkuu wa Tanzania, Mhe. Prof. Ibrahim Hamis Juma (kulia) akiwa katika picha ya pamoja na Hakimu Mkazi, Mhe. Langeni Robert. 

 Hakimu Mkazi, Mhe. Langeni Robert (katikati) akiwa katika picha ya pamoja na Viongozi wakuu wa Mahakama. Kulia ni Jaji Mkuu wa Tanzania, Mhe. Prof. Ibrahim Hamis Juma na kushoto ni Jaji Kiongozi wa Mahakama Kuu ya Tanzania, Mhe. Mustapher Mohamed Siyani.  

 Hakimu Mkazi, Mhe. Langeni Robert (wa tatu kushoto) akiwa katika picha ya pamoja na Viongozi mbalimbali wa Mahakama, akiwemo Jaji Mkuu wa Tanzania, Mhe. Prof. Ibrahim Hamis Juma (wa nne kulia) na Jaji Kiongozi wa Mahakama Kuu ya Tanzania, Mhe. Mustapher Mohamed Siyani (wa pili kushoto).

 Hakimu Mkazi, Mhe. Langeni Robert (wa nne kushoto) akiwa katika picha ya pamoja na Viongozi mbalimbali wa Mahakama, akiwemo Jaji Mkuu wa Tanzania, Mhe. Prof. Ibrahim Hamis Juma (wa nne kulia) na Jaji Kiongozi wa Mahakama Kuu ya Tanzania, Mhe. Mustapher Mohamed Siyani (wa tatu kushoto).

Hakimu Mkazi, Mhe. Langeni Robert (wa pili kushoto) akiwa katika picha ya pamoja na Viongozi mbalimbali wa Mahakama, akiwemo Jaji Mkuu wa Tanzania, Mhe. Prof. Ibrahim Hamis Juma (katikati) na Jaji Kiongozi wa Mahakama Kuu ya Tanzania, Mhe. Mustapher Mohamed Siyani (wa kwanza kushoto).