TANZIA; MLINZI MKUU MAHAKAMA YA MWANZO MUNDEMU BAHI AFARIKI DUNIA

TANZIA

Marehemu Bw. Baffo Theophano Tati enzi za uhai wake.

TANZIA

Mahakama ya Tanzania inasikitika kutangaza kifo cha aliyekuwa Mtumishi wake Bw. Baffo Theophano Tati aliyekuwa akihudumu Mahakama ya Mwanzo Mundemu iliyopo Wilaya ya Bahi mkoani Dodoma kama Mlinzi Mkuu.

Kwa mujibu wa taarifa iliyotolewa leo tarehe 28 Agosti, 2023 na Kaimu Mtendaji wa Mahakama Kuu ya Tanzania Kanda ya Dodoma, Bw. Stanslaus Makendi marehemu Tati amefariki leo katika Hospitali ya Benjamin Mkapa jijini Dodoma alipokuwa akipatiwa matibabu.

Bw. Makendi amesema mipango ya mazishi inafanyika na mazishi yanatarajiwa kufanyika siku ya Jumatano tarehe 30 Agosti, 2023 katika Kijiji cha Siuyi Wilayani Ikungi  Mkoani Singida.

Mahakama ya Tanzania inaungana na ndugu, jamaa na marafiki kuomboleza msiba huu wa kuondokewa na Mpendwa wetu.

BWANA AMETOA NA BWANA AMETWAA, JINA LAKE LIHIMIDIWE.