JUZUU TOLEO LA 2021, 2023 KUTOLEWA IFIKAPO JANUARI 2024

Na. Tawani Salum, Mahakama-Mwanza

Bodi ya Mhe. Jaji Mkuu wa Mahakama ya Tanzania ya Udhamini wa Taarifa ya Juzuu la Sheria Tanzania (Tanzania Law Reports) imekutana jijini Mwanza hivi karibuni na kufanya uchambuzi wa maamuzi ya Juzuu la Mwaka 2023 (TLR 2023) baada ya kukamilisha Juzuu la Mwaka 2021 na 2022 (TLRs 2021/2022) katika hoteli ya Aden Palace iliyopo jijini Mwanza ikiwa na lengo la ifikapo mwanzoni mwa Mwezi Januari Mwaka 2024 kukamilisha uchapaji wa Juzuu la Sheria kwa miaka yote mitatu.

Akizungumza katika kikao cha Bodi hiyo, kilichochoanza kufanyika kuanzia tarehe 18 disemba, 2023 hadi tarehe 20 disemba,2023 Jijini Mwanza, Mwenyekiti wa Bodi hiyo, Jaji wa Mahakama ya Rufani ya Tanzania, Mhe. Jacobs Mwambegele alisema kuwa Juzuu la Mwaka 2021 na 2022 tayari limewasilishwa kwa Mzabuni kwa hatua ya upangaji wa juzuu (typesetting) na uchapaji.   

“Ni mpango wa Bodi hii kuhakikisha kuwa inamaliza kuchambua Taarifa za Juzuu la Sheria la Mwaka  2023 ifikapo mwezi wa Januari Mwaka 2024 ili hatua za uchapaji zianze mapema na kukamilika kwa wakati na kuongeza wigo wa upatikanaji wa rejea za maamuzi hayo.,” alisema Mhe. Jaji Mwambegele.

Naye Mratibu wa Bodi hiyo, Mhe. Kifungu Mrisho Kariho ambaye ni Naibu Msajili wa Mahakama Kuu Tanzania, alisema kuwa Bodi hiyo imedhamiria kutoa Juzuu zote kwa mkupuo kwa kuwa tayari Bodi imefanyia kazi uchambuzi wa maamuzi yote kwa miaka ya 2021 na 2023 na kuwasilisha kwa mzabuni tayari kwa hatua ya uchapaji.

“Tunatarijia kuwa kuanzia Mwaka 2024 Bodi hii itakuwa utaratibu wa kutoa Taarifa za Juzuu la Sheria kwa kila baada ya Miezi sita katika Mwaka na baadaye tutaanza utaratibu wa kutoa taarifa kila baada ya Miezi mitatu kwa mwaka husika.” Aliongeza Mhe Kariho

Bodi hiyo ina jumla ya Wajumbe 11, ambao ni waheshimiwa Majaji kutoka Mahakama ya Rufani ya Tanzania, waheshimiwa Majaji wa Mahakama Kuu ya Tanzania Bara, Wawakilishi kutoka Ofisi ya Mwanasheria Mkuu Tanzania Bara na Zanzibar, Wawakilishi kutoka Vyama vya Mawakili Tanzania Bara na Zanzibar, Katibu kutoka Chuo Kikuu cha Dar es Salaam na Mratibu wa Bodi hiyo kutoka Makao Makuu ya Mahakama ya Tanzania.

Wajumbe wa Bodi ya Jaji Mkuu wa Mahakama ya Tanzania ya Udhamini wa taarifa ya Juzuu la sheria Tanzania wakiwa katika picha ya Pamoja wakiongozwa na Mwenyekiti wa bodi hiyo ambaye pia ni Jaji wa Mahakama ya Rufani ya Tanzania Mhe. Jacobs Mwambegele(aliyeketi katikakati) na kushoto kwake ni Profesa Hamduni Ismail Majamba wakiwa Pamoja na wa wajumbe wengine wanaounda bodi hiyo iliyokutana hivi karibuni Jijini mwanza kwa ajili ya kujadili na kuandaa Juzuu ya taarifa ya sheria Tanzania ya mwaka 2023.

Wajumbe wa Bodi ya Jaji Mkuu wa Mahakama ya Tanzania ya Udhamini wa taarifa ya Juzuu la sheria Tanzania wakiwa katika kikao cha uandaaji wa Juzuu ya sheria za Tanzania za mwaka 2023 kikao kilichofanyika katika ukumbi wa Tanganyika ndani ya hotel ya Aden Palace Jijini mwanza kikao kilichoongozwa na jaji wa Mahakama ya Rufani ya Tanzania ambaye ndiye Mwenyekiti wa bodi hiyo Mhe.Jacobs Mwambelege.

Katibu wa Bodi ya Jaji Mkuu wa Mahakama ya Tanzania ya Udhamini wa taarifa ya Juzuu la sheria Tanzania Profesa Hamud Ismail Majamba akielezea jambo kwa wajumbe wa bodi hiyo (hawapo pichani) wakati wa majadiliano juu ya uandaaji wa Juzuu ya sheria za Tanzania kwa mwaka 2023 kikao kilichofanyika katika hotel ya aden palace Jijini mwanza hivi karibuni

Wajumbe wa Bodi ya Jaji Mkuu wa Mahakama ya Tanzania ya Udhamini wa taarifa ya Juzuu la sheria Tanzania wakiwa katika picha ya Pamoja wakiongozwa na Mwenyekiti wa bodi hiyo ambaye pia ni Jaji wa Mahakama ya Rufani ya Tanzania Mhe. Jacobs Mwambegele (aliyeketi katikakati) na kushoto kwake ni Profesa Hamudi Ismail Majamba wakiwa Pamoja na wa wajumbe wengine wanaounda bodi hiyo walipotembelea jengo la Mahakama la kituo Jumuishi cha Utoaji Haki jijini Mwanza iliyokutana hivi karibuni Jijini mwanza kwa ajili ya kujadili na kuandaa Juzuu ya taarifa ya sheria Tanzania ya mwaka 2023

Katibu wa Bodi ya Jaji Mkuu wa Mahakama ya Tanzania ya Udhamini wa taarifa ya Juzuu la sheria Tanzania Profesa Hamud Ismail Majamba akielezea jambo kwa wajumbe wa bodi hiyo (hawapo pichani) wakati wa majadiliano juu ya uandaaji wa Juzuu ya sheria za Tanzania kwa mwaka 2023 kikao kilichofanyika katika hotel ya aden palace Jijini mwanza hivi karibuni.