TUUISHI UADILIFU, WELEDI NA UWAJIBIKAJI; JAJI SIMFUKWE

Na. Paul Pascal-Mahakama, Moshi

Majaji wa Mahakama Kuu ya Tanzania, Kanda ya Moshi Mhe. Safina Simfukwe na Mhe. Adrian Kilima wamefanya kaguzi za Mahakama za chini kukagua shughuli za uendeshaji wa Mahakama ikiwa pamoja na kuhakikisha watumishi wa Mahakama hizo wanafanya kazi kwa kuzingatia na kuiishi salamu ya Mahakama ya Tanzania inayojengwa na maneno ya Uadilifu,Weledi na Uwajibikaji.

Akizungumza katika kikao na watumishi wa Mahakama za Wilaya ya Same na Mwanga kwa nyakati tofauti katika ziara hiyo Jaji wa Mahakama Kuu ya Tanzania Kanda ya Moshi Mhe. Safina Simfukwe aliwapongeze watumishi wote wa Mahakama hizo kwa kutimiza majukumu yao ya msingi kwa kuzingatia weledi, uadilifu na ubunifu katika kutatua changamoto zitokanazo na majukumu yao.

“Utendaji kazi wenu mzuri umepelekea kuondokana na mashauri ya mlundikano katika vituo vyenu, vilevile niwatake watumishi wote muiishi dira ya Mahakama ya Tanzania haswa kauli mbiu yetu ya uadilifu, weledi na uwajibikaji itavutia sana watumishi wote tuiishi kwa vitendo salamu hii haswa kwa kujiepusha na vitendo vya utovu wa maadili na kutimiza majukumu yetu kwa wakati”, aliongeza Mhe. Simfukwe.

Kwa upande wake Jaji wa Mahakama Kuu ya Tanzania Kanda ya Moshi Mhe. Adrian Kilimi akiwa katika Wilaya za Siha na Hai aliwambia watumishi wa Mahakama hizo kuwa utendaji kazi wao ni mzuri unaridhisha kwa kiwango kikubwa na taarifa zao za hali ya mashauri katika Wilaya hizo inavutia kutokana na kasi ya uondoshaji wa mashauri.

“Niwapongeze watumishi wote kwa kuwa kazi ya kutoa haki siyo nyepese inahitaji ushirikiano wetu sote pia niwatake watumishi wenzangu tuhakikishe tunaondokana na utamaduni usiyo na tija wa kufanya vitendo visivyo vya kimaadili, uzembe na uvivu. Lazima kila mmoja wetu awe mwadilifu na kuzingatia weledi kwa kuwa tumeaminiwa nakupewa nafasi tunazozitumikia”, aliongeza Mhe. Kilimi.

Naye, Mtendaji wa Mahakama Kuu Kanda ya Moshi Bi. Maria Itala akizungumza na watumishi hao aliwashukuru watumishi wote katika Wilaya hizo kwa kuendelea kuimarisha taswira chanya katika jamii wanayoihudumia.

“Hakika mmeitekeleza kwa vitendo nguzo namba tatu ya Mpango Mkakati wa Mahakama tunaoendelea kuutekeleza niwaombe ushirikiano zaidi ili zile kasoro ndogondogo zilizoonekana zisijitokeze na tuzishughulikie kwa pamoja”, alisema Bi. Itala

Jaji wa Mahakama Kuu ya Tanzania Kanda ya Moshi Mhe. Safina Simfukwe (katikati) akiwa kwenye picha ya pamoja sehemu ya viongozi wa Mahakama Kuu Kanda ya Moshi wakati wa zoezi la ukaguzi wa shughuli za Mahakama katika Kanda hiyo.

Jaji wa Mahakama Kuu ya Tanzania Kanda ya Moshi Mhe. Safina Simfukwe akisaini Kitabu cha wageni alipokuwa kwenye ziara ya ukaguzi. 

Jaji wa Mahakama Kuu ya Tanzania Kanda ya Moshi Mhe. Adrian Kilimi akisaini kitabu cha wageni alipokuwa kwenye ziara ya ukaguzi.

Mtendaji wa Mahakama Kuu ya Tanzania, Kanda ya Moshi Bi. Maria Itala akikabidhi nyaraka ya mtiririko wa majukumu ya ukaguzi kwa Afisa wa Mahakama ya Wilaya

Mtendaji wa Mahakama Kuu ya Tanzania, Kanda ya Moshi Bi. Maria Itala akikabidhi nyaraka ya mtiririko wa majukumu ya ukaguzi kwa Afisa wa Mahakama ya Wilaya.

Mtendaji wa Mahakama Kuu ya Tanzania, Kanda ya Moshi Bi. Maria Itala akisaini kitabu cha wageni alipokuwa kwenye ziara ya ukaguzi

Habari Hii Imehaririwa na Innocent Kansha - Mahakama