JUKWAA LA ‘SEAJAA’ KUSAIDIA KUIMARISHA UCHUMI WA NCHI WANACHAMA

Na. Innocent Kansha – Mahakama.

Mwenyekiti wa Kamati Kuu ya Watendaji Wakuu wa Mahakama nchi za Mashariki na Kusini mwa Afrika ‘SEAJAA’ na Mtendaji wa Mahakama ya Tanzania, Prof. Elisante Ole Gabriel amefungua Mkutano wa kamati hiyo ulifanyika leo tarehe 8 Machi, 2024 katika ukumbi wa mikutano wa Hotel ya Tifany Diamond jijini Dar es salaam.

Kamati tendaji ya Jumuiya hiyo iliyokutana katika kikao cha siku moja jijini Dar es Salaam kujadili mambo mbalimbali ikiwemo kukuza umoja na ushirikiano baina ya nchi wananchama na kuimarisha mifumo ya shughuli za Mahakama na hatimaye kuchangia ukuaji wa uchumi endelevu.

“Lengo kubwa la kukutana kwa kamati hii ni kujadili na kuangalia mambo mtambuka ambayo nchi wanachama wanashabihiana ili tuweze kueleta mchango mkubwa katika eneo la kiuchumi, kijamii na kisiasa,” amesema Mwenyekiti wa SEAJAA.

Prof. Ole Gabriel amebainisha kuwa mkutano huo unalengo la kubadilishana uzoefu na kujifunza kutoka kwa nchi moja wanachama hadi nyingine, kwa maana ya kutambua fursa zilizopo katika kila nchi na kujifunza mambo mazuri ya kuendeleza nchi wananchama.

Jumuiya hiyo ya SEAJAA ina wanachama wa nchi13 na kwa ngazi ya Majaji Wakuu nchi wanachama ni 16. Chama hicho cha Watendaji kinafanya kazi kwa karibu sana na Jukwaa la Majaji Wakuu ambao pia walikuwa na mkutano wao Mkuu jijini Arusha mwaka jana tarehe 23 Oktoba, 2023.

“Sisi kama nchi tunanufaika kwa kiwango kikubwa sana kuandaa mikutano mikubwa kama hii, mosi tunaendeleza masuala ya uchumi na pia masuala ya kijamii na jina la nchi linazidi kukua zaidi,” ameongeza Prof. Ole Gabriel.

Mwenyekiti huyo, amesema kuwa, faraja kubwa ni kuona kwamba nchi zote hizo zinafarijika kuona hatua ambayo imepigwa na Tanzania katika masuala ya uendeshaji wa shughuli za utoaji haki na za Mahakama kwa ujumla.

“Kwa mkutadha huo nichukue fursa hii kuishukuru Serikali ya Jamuhuri ya Muungano wa Tanzania inayoongozwa na Rais Mhe. Dkt. Samia Suluhu Hassan kwa jinsi ambavyo tunapata rasilimali watu na rasilimali fedha zinazotuheshimisha katika shughuli za Mahakama na hata kutangaza vivutio vya utalii,” amesema Mtendaji Mkuu.

Aidha, Prof. Ole Gabriel amesema Jumuiya ina mpango na mkakati wa kujiunga na ile taasisi ya Kimataifa inayoitwa IACA “International Association for Court Administrators” ili Jumuiya hiyo ya kusini na mashariki mwa Afrika izidi kukua na kujitanua ikiwa ndiyo lengo la misingi la jumuiya hiyo.

“Tumesisitizana masuala ya kutoa michango kutoka nchi wanachama ili taasisi hii iweze kuwa na mafungu ya kutosha.  Sababu tukiwa na mafungu ya kutosha linakuwa ni jambo la maana katika kuratibu shughuli mbalimbali za jumuiya kama vile mkutano huu wa leo,” ameongeza Mwenyekiti huyo.

Mwenyekeiti ameongeza kuwa, kupitia muunganiko huo Tanzania imeendelea kusifika na kuheshimika kwa kupiga hatua kubwa sana katika masuala ya matumizi ya Teknolojia ya Habari na Mawasiliano (TEHAMA) hususani mifumo iliyojengwa na wataalam wa ndani. Mahakama ya Tanzania itaendelea kuboresha miundombinu hiyo ili iiendelee kuwa kisima cha maarifa kwa nchi nyingine wanachama katika kutoa elimu hiyo.

“Kwa sasa Mahakama ina mifumo madhubuti inayotumika kuendeshea mashauri ikiwemo mfumo wa kielektroniki wa kuratibu mashauri e-CMS, mfumo wa kutafsiri na unukuzi – TTS na pia mifumo mingine zaidi ya 11, alikadhalika mfumo wa kutuza maamuzi ya kimahakama na nyaraka TanzLII ambao unashika nafasi ya kwanza kwa kupakuliwa na watu wengi dunia hasa wale watumiaji wa maamuzi ya kimahakama,” ameongeza Prof. Ole Gabriel.

Kwa upande wake, Katibu Mkuu wa SEAJAA na Mkurugenzi Mtendaji wa Mahakama ya Namibia, Bw. Benhardt Kukuri amesema kama kamati wanayofuraha kubwa kuja tena Tanzania kwa ajili ya kikao hicho cha kamati tendaji ya jumuiya hiyo.

“Tunakumbukumbu nzuri ya kushiriki mkutano wa Mkuu wa Jukwaa la Majaji Wakuu uliofanyika jijini Arusha mwezi wa 10 mwaka jana, hivyo kurudi kwetu Tanzania ni furaha kubwa na tunashukuru kwa kukubaliwa na wenzetu wa Mahakama ya Tanzania kufanya kikao hiki hapa wameonyesha ukarimu wa hali ya juu,” ameongeza Katibu wa SEAJAA.

Lengo la Jumuiya ni kuunga mkono juhudi za Mahakama za utoaji haki kwa wananchi wa taasisi wanachama. Pia kuangalia maeneo ya ushirikiano na kujifunza au kupata ujuzi kwenye maeneo ambayo nchi wanachama wanafanya vizuri katika utoaji haki kwa wananchi. Jukwaa hilo litazitumia nchi hizo kama sehemu ya kujifunzia.

“Mathalani uendeshaji wa shughuli za utoaji haki kwa njia ya TEHAMA ili kumsaidia wananchi kupata haki bila kucheleweshwa na kumpunguzia gharama ya uendeshaji wa shauri mahakamani.  Mfano wa namna ya uendeshaji wa mashauri, utunzaji wa kumbukumbu na yaraka za Mahakama na mawasiliano ya kiutendaji katika shughuli za kimahakama kwa njia ya mifumo wa TEHAMA,” amesema Bw. Kukuri.

Mwenyekiti wa Kamati Kuu ya Watendaji Wakuu wa Mahakama nchi za Mashariki na Kusini mwa Afrika ‘SEAJAA’ na Mtendaji wa Mahakama ya Tanzania, Prof. Elisante Ole Gabriel akizungumza na wanahabari kuhusu maazimio ya mkukutano wa kamati hiyo leo tarehe 8 Machi, 2024 katika ukumbi wa mikutano Tifany Hotel jijini Dar es Salaam.

Mwenyekiti wa Kamati Kuu ya Watendaji Wakuu wa Mahakama nchi za Mashariki na Kusini mwa Afrika ‘SEAJAA’ na Mtendaji wa Mahakama ya Tanzania, Prof. Elisante Ole Gabriel akiteta jambo na Katibu Mkuu wa SEAJAA na Mkurugenzi Mtendaji wa Mahakama ya Namibia, Bw. Benhardt Kukuri. wakati wa mkutano huo.

Mwenyekiti wa Kamati Kuu ya Watendaji Wakuu wa Mahakama nchi za Mashariki na Kusini mwa Afrika ‘SEAJAA’ na Mtendaji wa Mahakama ya Tanzania, Prof. Elisante Ole Gabriel akiendesha kikao hicho.

Mwenyekiti wa Kamati Kuu ya Watendaji Wakuu wa Mahakama nchi za Mashariki na Kusini mwa Afrika ‘SEAJAA’ na Mtendaji wa Mahakama ya Tanzania, Prof. Elisante Ole Gabriel (wa pili kushoto) akifurahia jambo na wajumbe wa mkutano huo.

Mwenyekiti wa Kamati Kuu ya Watendaji Wakuu wa Mahakama nchi za Mashariki na Kusini mwa Afrika ‘SEAJAA’ na Mtendaji wa Mahakama ya Tanzania, Prof. Elisante Ole Gabriel akiteta jambo na mjumbe wa kamati hiyo kutoka nchini Malawi Mr. Banda.

Katibu Mkuu wa SEAJAA na Mkurugenzi Mtendaji wa Mahakama ya Namibia, Bw. Benhardt Kukuri akisoma agenda za mkutano huo.

Mwenyekiti wa Kamati Kuu ya Watendaji Wakuu wa Mahakama nchi za Mashariki na Kusini mwa Afrika ‘SEAJAA’ na Mtendaji wa Mahakama ya Tanzania, Prof. Elisante Ole Gabriel (aliyekaa mbele) akiongoza kikao cha kamati hiyo ya SEAJAA.

Sehemu ya wajumbe wa kikao cha kamati ya SEAJAA wakiwa wanaendelea na mkutano.

Wajumbe wa Sekretariati kutoka Mahakama ya Tanzania wakifuatilia kikao cha kamati ya SEAJAA wakiongozwa na Mtendaji wa Mahakama ya Rufani Victor Kategile (katikati), Mtendaji wa Mahakama Kuu Divisheni Bi. Mary Shirima (wa kwanza kushoto) na Mtendaji wa Mahakama Kuu Masjala Kuu Dar es Salaam Bw. Filbert Matutai (wa kwanza kulia)

Mwenyekiti wa Kamati Kuu ya Watendaji Wakuu wa Mahakama nchi za Mashariki na Kusini mwa Afrika ‘SEAJAA’ na Mtendaji wa Mahakama ya Tanzania, Prof. Elisante Ole Gabriel (wa pili kushoto) akiwa kwenye picha ya pamoja na wajumbe wa kamati kuu ya SEAJAA pamoja na wajumbe wa sekretariati ya mkutano huo.

Mwenyekiti wa Kamati Kuu ya Watendaji Wakuu wa Mahakama nchi za Mashariki na Kusini mwa Afrika ‘SEAJAA’ na Mtendaji wa Mahakama ya Tanzania, Prof. Elisante Ole Gabriel (wa nne kutoka kulia) akiwa kwenye picha ya pamoja na wajumbe wa kamati kuu ya SEAJAA wakiwa wameshika tuzo mara baada ya mkutano huo.

Mwenyekiti wa Kamati Kuu ya Watendaji Wakuu wa Mahakama nchi za Mashariki na Kusini mwa Afrika ‘SEAJAA’ na Mtendaji wa Mahakama ya Tanzania, Prof. Elisante Ole Gabriel (wa kwanza kulia) akikabidhiwa tuzo na wajumbe wa kamati kuu ya Jumuiya hiyo.

Mwenyekiti wa Kamati Kuu ya Watendaji Wakuu wa Mahakama nchi za Mashariki na Kusini mwa Afrika ‘SEAJAA’ na Mtendaji wa Mahakama ya Tanzania, Prof. Elisante Ole Gabriel (wa nne kutoka kulia) akiwa kwenye picha ya pamoja na wajumbe wa kamati kuu ya SEAJAA wakiwa wameshika tuzo mara baada ya mkutano huo.

(Picha na Innocent Kansha -Mahakama)