MAMIA YA WAOMBOLEZAJI WAMZIKA MAMA MZAZI WA MTENDAJI MKUU MAHAKAMA

Na MARY GWERA, Mahakama-Arusha

Mamia ya waombolezaji wamejitokeza kumzika mama mzazi wa Mtendaji Mkuu wa Mahakama ya Tanzania, marehemu Naitovuaki Mosses Lengutai aliyepumzishwa leo tarehe 05 Oktoba, 2024 katika makaburi ya familia yaliyopo Suye Oloirien jijini Arusha.

Ibada ya mazishi hayo imefanyika katika kanisa la KKKT Moshono na kuongozwa na Askofu wa KKKT Dayosisi ya Magharibi Kati Tabora, Dkt. Kisiri Laizer na kuhudhuriwa na baadhi ya Majaji wa Mahakama ya Rufani, Jaji Kiongozi wa Mahakama Kuu ya Tanzania, Majaji wa Mahakama Kuu ya Tanzania, Wasajili na Watendaji wa Mahakama pamoja na Viongozi mbalimbali wa Serikali, ndugu, jamaa na marafiki.

Akihubiri katika ibada hiyo, Askofu Dkt. Laizer ametoa pole kwa familia ya marehemu Mwinjilisti Gabriel kwa kuondokewa na Mama ambaye alikuwa mtu muhimu katika familia na kwa wengi.

Askofu Laizer, amewasihi waombolezaji wote walioshiriki katika ibada hiyo kutokata tamaa hata kama wanapita katika mambo magumu kiasi gani.

“Neno la Mungu linasema shukuruni kwa kila jambo, hata kama tunapita katika mambo magumu lakini Yesu yupo upande wetu kutushindia,” amesema Askofu huyo.

Ameongeza kwa kuwakumbusha waumini kuwa, kifo kipo wakati wote hivyo, ni muhimu kila mmoja kuishi katika na imani na kuwa mienendo sahihi inayompendeza Mungu. 

“Yapo majaribu Mungu anayaruhusu ili yatujenge kiimani, tunapokutana na magumu, Yesu anarejesha furaha yetu. Katika msiba huu tunamuhitaji Yesu pekee na si msiba huu tu bali katika maisha yetu yote,” amesisitiza.

Amewataka watoto wa marehemu kuwa na mshikamano kati yao, Kaka mkubwa aongoze vema familia 

 Kwa upande wake, Mtendaji Mkuu wa Mahakama ya Tanzania, Prof. Elisante Ole Gabriel akitoa hisia zake kuhusu msiba wa mama yake amewasihi wenye wazazi, baba na mama kuishi nao vizuri na si tu wazazi bali watu wote wanaowazunguka kwa kuwa ni baraka kubwa.

“Kufiwa ni jambo la kawaida likiwa sio kwako ila likikufika utaelewa jinsi gani inaumiza, kwakweli niliposikia taarifa za kifo cha mama nilisikia maumivu kichwani utosini, mama ni mama tu pengo lake halizibiki kwakuwa ni mtu muhimu, hakuna mama wawili duniani,” amesema Prof. Ole Gabriel.

Amewakumbusha waombolezaji mambo matano muhimu ya kuzingatia wanapopata msiba kuwa ni pamoja na kufanya maandalizi mapema ili kuokoa muda wa taratibu za mazishi, kuhakikisha kuwa na cheti cha kifo kuondoa usumbufu wa kuchukua mwili wa marehemu kutoka chumba cha kuhifadhia maiti na mengine.

Akitoa salamu za pole kwa niaba ya Jaji Mkuu wa Tanzania, Jaji Kiongozi wa Mahakama Kuu ya Tanzania, Mhe. Mustapher Mohamed Siyani aliwatia moyo wanafamilia kuwa na moyo wa ustahimilivu katika wakati huo mgumu wa majonzi.

Marehemu Naitovuaki alizaliwa tarehe 15 Aprili, 1944 na kufikwa na umauti tarehe 29 Septemba, 2024. Ameacha watoto tisa (9), wajukuu 26 na vitukuu 13.

Mahakama ya Tanzania inaungana na ndugu, jamaa na marafiki kuomboleza msiba huo mzito. Bwana ametoa na Bwana ametwaa, Jina lake lihimidiwe.

Watoto wa marehemu Naitovuaki Mosses Lengutai wakiweka shada la maua juu ya kaburi la Mama yao aliyefariki tarehe 29 Septemba, 2024 na kuzikwa tarehe leo tarehe 05 Oktoba, 2024 katika makaburi ya familia yaliyopo Suye Oloirien jijini Arusha.

Wajukuu wakiweka shada la maua kwenye kaburi la marehemu Bibi yao aliyezikwa leo tarehe 05 Oktoba, 2024.

Mtendaji Mkuu wa Mahakama ya Tanzania, Prof. Elisante Ole Gabriel (aliyegusa jeneza), Watumishi wa Mungu pamoja pamoja na wafiwa wengine wakishuhudia jeneza lililobeba mwili wa marehemu Naitovuaki Mosses Lengutai likishushwa kaburini leo tarehe 05 Oktoba, 2024.

 

Askofu Mkuu wa KKKT Dayosisi ya Magharibi Kati Tabora, Dkt. Kisiri Laizer akiongoza ibada ya mazishi ya Mama mzazi wa Mtendaji Mkuu wa Mahakama ya Tanzania marehemu Naitovuaki Mosses Lengutai iliyofanyika katika Kanisa la KKKT Moshono jijini Arusha. Marehemu Naitovuaki alifariki dunia tarehe 29 Septemba, 2024.

Watumishi wa Mungu wakiongozwa na Askofu Mkuu wa KKKT Dayosisi ya Magharibi Kati Tabora, Dkt. Kisiri Laizer (katikati) wakiwa katika ibada ya mazishi ya marehemu Naitovuaki Mosses Lengutai aliyekuwa Mama mzazi wa Mtendaji Mkuu wa Mahakama ya Tanzania, Prof. Elisante Ole Gabriel. 

Picha za juu ni sehemu ya waombolezaji walioshiriki katika ibada ya mazishi ya marehemu 

Askofu Mkuu wa KKKT Dayosisi ya Magharibi Kati Tabora, Dkt. Kisiri Laizer akiendelea kuongoza ibada ya mazishi ya Mama mzazi wa Mtendaji Mkuu wa Mahakama ya Tanzania iliyofanyika leo tarehe 05 Oktoba, 2024 jijini Arusha.

Mtendaji Mkuu wa Mahakama ya Tanzania, Prof. Elisante Ole Gabriel (aliyeshika kipaza sauti) pamoja na ndugu zake wakisoma wasifu wa marehemu Mama yao wakati wa ibada ya mazishi yake.

Picha mbalimbali za waombolezaji walioshiriki katika ibada ya mazishi ya marehemu Naitovuaki Mosses Lengutai aliyekuwa Mama mzazi wa Mtendaji Mkuu wa Mahakama ya Tanzania, Prof. Elisante Ole Gabriel. 

Mtendaji Mkuu wa Mahakama ya Tanzania, Prof. Elisante Ole Gabriel akizungumza jambo wakati wa ibada ya mazishi ya mama yake mzazi aliyefariki dunia tarehe 29 Septemba, 2024 jijini Arusha. 

 Ndugu pamoja na waombolezaji wengine wakimsikiliza kwa makini Prof. Ole Gabriel (hayupo katika picha)

Jaji Kiongozi wa Mahakama Kuu ya Tanzania, Mhe. Mustapher Mohamed Siyani akitoa salaam za pole wakati wa ibada ya mazishi ya Mama mzazi wa Mtendaji Mkuu wa Mahakama ya Tanzania.

Naibu Katibu wa Tume ya Utumishi wa Mahakama, Bi. Alesia Mbuya akitoa neno la pole kwa wafiwa kwa niaba ya Tume hiyo.

Mwenyekiti wa Jumuiya ya Maridhiano na Amani Tanzania (JMAT), Sheikh Alhad Mussa Salumu akitoa salaam za pole kwa familia ya marehemu Naitovuaki Mosses Lengutai. 

Waombolezaji

Sehemu ya Majaji wa Mahakama ya Rufani, Jaji Kiongozi pamoja na Majaji wa Mahakama Kuu ya Tanzania wakiwa katika eneo la makaburi ambapo Mama mzazi wa Mtendaji Mkuu wa Mahakama alipozikwa leo tarehe 05 Oktoba, 2024 jijini Arusha.

Mzee wa karibu wa familia ya marehemu Mwinjilisti Gabriel (aliyevaa suti ya bluu) akiweka shada la maua kwenye kaburi ya marehemu Naitovuaki Mosses Lengutai aliyekuwa Mama mzazi wa Mtendaji Mkuu wa Mahakama ya Tanzania, Prof. Elisante Ole Gabriel. 

Zoezi la kuuhifadhi mwili wa marehema mama Naitovuaki likifanyika.

Mtendaji Mkuu wa Mahakama ya Tanzania, Prof. Elisante Ole Gabriel akiwa katika picha ya pamoja na sehemu ya Majaji wa Mahakama Kuu ya Tanzania walioshiriki katika ibada ya kumpumzisha marehemu Mama mzazi wa Mtendaji huyo leo tarehe 05 Oktoba, 2024.

Mtendaji Mkuu wa Mahakama ya Tanzania, Prof. Elisante Ole Gabriel akiwa katika picha ya pamoja na sehemu ya Wanakamati walioratibu shughuli za msiba wa marehemu Naitovuaki Mosses Lengutai aliyekuwa Mama mzazi wa Mtendaji Mkuu huyo. Wa kwanza kulia ni Mkurugenzi Msaidizi wa Utawala Mahakama ya Tanzania, Bw. Stephen Magoha.

(Picha na MARY GWERA, Mahakama)