WATUMISHI MBEYA WAKUTANA KWENYE HAFLA YA KUFUNGA MWAKA

Na Daniel Sichula- Mahakama, Mbeya

Watumishi wa Mahakama Mkoa Mbeya walikutana pamoja kwenye hafla ya kufunga mwaka iliyofanyika tarehe 16 Novemba, 2024 katika Hoteli ya Lake Nyasa wilayani Kyela mkoani Mbeya, hafla hiyo iliudhuliwa watumishi wa Mahakama Kuu, Mahakama ya Mkoa, Mahakama za Wilaya na Mahakama za mwanzo.

Akizungumza katika hafla hiyo ya kufunga mwaka kwa watumishi wa Mahakama Mkoa wa Mbeya, Jaji Mfawidhi wa Mahakama Kuu, Kanda ya Mbeya Mhe. Joachim Charles Tiganga aliwahasa watumishi wa Mahakama Mkoa wa Mbeya kufanya kazi kwa bidii na kutoa tathimini ya utendaji kazi kwa Mahakama zote katika kushughulikia mashauri.

“Tunapoelekea kufunga mwaka, napenda kuwapongeza Majaji kwa kuongoza na kupunguza mashauri tuliyokua nayo kwa muda mfupi na mpaka sasa mafanikio makubwa yamefanyika kwani tumevuka kiwango cha asilimia 50 kwa kumaliza mlundikano wa mashauri katika Mahakama zetu, hata hivyo nazipongeza Kada zote kwa ufanisi katika utendaji kazi kwa Mahakama zote” alisema Mhe. Tiganga

Aidha, Mtendaji wa Mahakama Kuu Kanda ya Mbeya Bi. Mavis Miti alisema, “Lengo la hafla hii ni kufurahi kwa pamoja na kuweza kufamihana kwa watumishi wa Mahakama Mkoa wa Mbeya kwani kuna wengine ni wageni kabisa, kwa hiyo hii ni fursa pekee ya kuweza kufahamiana kwa viongozi na watumishi kwa ujumla vilevile kupongezana kwa utendaji mzuri wa kazi katika Mahakama zetu,” alisema Bi. Miti.

Watumishi mbalimbali kutoka Mahakama za Mkoa wa Mbeya walitoa pongezi kwa uongozi wa Mahakama Mkoa wa Mbeya kwa kuweza kuwaleta pamoja watumishi wote wa Mahakama Mkoa Mbeya na kufanikisha hafla hiyo ambayo imekua chachu kwao ili kufanya kazi kwa bidii na kufikia malengo waliyojiwekea.

“Tunahidi kufanya kazi kwa bidii baada ya kutoka kwenye hafla hii ambayo imekuwa imetupa hamasa ya kazi, tumeshiriki kwa pamoja katika burudani mbalimbali zilizotuondolea msongo wa mawazo na kujenga akili mpya katika utendaji kazi,” alisema mmoja wa watumishi hao

Aidha, hafla hiyo iliudhuliwa na Majaji wa Mahakama Kuu ya Tanzania, Kanda ya Mbeya Mhe. Aisha Sinda na Mhe. Musa Pomo, Naibu Msajili Mhe. Judith Lyimo, Mahakimu Wafawidhi, Mahakimu wa Mahakama za Wilaya na Mwanzo, Mawakili, Maafisa wa Vitengo mbalimbali na watumishi wa Kada mbalimabali kutoka Mahakama Kuu Mbeya.

Watumishi wa Mahakama Mkoa Mbeya waliokutana pamoja kwenye hafla ya kufunga mwaka iliyofanyika tarehe 16 Novemba, 2024 katika Hoteli ya Lake Nyasa wilayani Kyela mkoani Mbeya.

Jaji Mfawidhi wa Mahakama Kuu ya Tanzania, Kanda ya Mbeya Mhe. Joachim Charles Tiganga akisema jambo wakati wa hafla hiyo.

Sehemu ya Watumishi wa Mahakama Mkoa Mbeya waliokutana pamoja kwenye hafla ya kufunga mwaka 

Sehemu ya Watumishi wa Mahakama Mkoa Mbeya waliokutana pamoja kwenye hafla ya kufunga mwaka 

Sehemu ya Watumishi wa Mahakama Mkoa Mbeya waliokutana pamoja kwenye hafla ya kufunga mwaka.

Sehemu ya Watumishi wa Mahakama Mkoa Mbeya waliokutana pamoja kwenye hafla ya kufunga mwaka 

Sehemu ya Watumishi wa Mahakama Mkoa Mbeya waliokutana pamoja kwenye hafla ya kufunga mwaka 

(Habari Hii Imehaririwa na Innocent Kansha-Mahakama)