JAJI MKUU AMUAPISHA DKT. JINGU KUWA KATIBU WA TUME YA UTUMISHI WA MAHAKAMA

Jaji Mkuu wa Jamhuri ya Muungano wa Tanzania, Mhe. George Masaju leo tarehe 26 Juni, 2026 amemuapisha Dkt. John Antony Jingu, Mtendaji Mkuu wa Mahakama kuwa Katibu wa Tume ya Utumishi wa Mahakama. 

Dkt. Jingu anachukua nafasi iliyoachwa wazi na Mtangulizi wake Mtendaji Mkuu Mstaafu wa Mahakama, Prof. Elisante Ole Gabriel. Hafla hiyo fupi ya Uapisho imefanyika kwenye ukumbi wa Tume ya Utumishi wa Mahakama jijini Dodoma.

Kwa mujibu wa Kifungu cha 15 cha Sheria ya Usimamizi wa Mahakama Sura ya 237, Mtendaji Mkuu wa Mahakama ndiye Katibu wa Tume na Mtekelezaji wa Maamuzi ya Tume hiyo.

Tume ya Utumishi wa Mahakama ni Chombo kilichoundwa kusimamia utendaji kazi wa Mahakama ya Tanzania.

Mamlaka ya Tume ya Utumishi wa Mahakama kama Chombo cha kusimamia ajira na nidhamu za Watumishi wa Mahakama yanatokana na Ibara ya 113(1) ya Katiba ya Jamhuri ya Muungano wa Tanzania ya mwaka 1977 ikisomwa pamoja na Kifungu cha 29(1) cha Sheria ya Usimamizi wa Mahakama. 

Matukio katika picha-Uapisho wa Katibu wa Tume ya Utumishi wa Mahakama, Dkt. John Antony Jingu. 

Jaji Mkuu wa Jamhuri ya Muungano wa Tanzania, Mhe. George Masaju (kushoto) akimuapisha Dkt. John Antony Jingu, Mtendaji Mkuu wa Mahakama kuwa Katibu wa Tume ya Utumishi wa Mahakama leo tarehe 26 Juni, 2026 kwenye ukumbi wa Tume hiyo jijini Dodoma. Anayeshuhudia ni Jaji wa Mahakama ya Rufani na Mjumbe wa Tume ya Utumishi wa Mahakama, Mhe. Gerson Mdemu.

Dkt. John Antony Jingu, Mtendaji Mkuu wa Mahakama ya Tanzania akila kiapo kuwa Katibu wa Tume ya Utumishi wa Mahakama leo tarehe 26 Juni, 2026 kwenye ukumbi wa Tume hiyo. 

Mtendaji Mkuu wa Mahakama ya Tanzania, Dkt. John Antony Jingu (kulia) akisaini hati ya kiapo cha Katibu wa Tume ya Utumishi wa Mahakama leo tarehe 26 Juni, 2026. Anayeshuhudia ni Jaji Mkuu wa Jamhuri ya Muungano wa Tanzania, Mhe.George Masaju.

Jaji Mkuu wa Jamhuri ya Muungano wa Tanzania, Mhe.George Masaju akisaini hati ya kiapo cha Katibu wa Tume ya Utumishi wa Mahakama, Dkt. John Antony Jingu aliyeapishwa leo tarehe 26 Juni, 2026.

Jaji Mkuu wa Jamhuri ya Muungano wa Tanzania, Mhe.George Masaju (kushoto) akimpongeza Dkt. John Antony Jingu, Mtendaji Mkuu wa Mahakama ya Tanzania ambaye amemuapisha kuwa Katibu wa Tume ya Utumishi wa Mahakama leo tarehe 26 Juni, 2026 kwenye ukumbi wa Tume hiyo. Anayeshuhudia ni Bi. Enziel Mtei, Naibu Katibu wa Tume ya Utumishi wa Mahakama (Ajira na Uteuzi).

Jaji Mkuu wa Jamhuri ya Muungano wa Tanzania, Mhe.George Masaju (kulia) akiwa katika picha ya pamoja na Dkt. John Antony Jingu, Mtendaji Mkuu wa Mahakama ya Tanzania ambaye amemuapisha leo tarehe 26 Juni, 2026 kuwa Katibu wa Tume ya Utumishi wa Mahakama.

Jaji Mkuu wa Jamhuri ya Muungano wa Tanzania, Mhe.George Masaju (katikati) akiwa katika picha ya pamoja na Mtendaji Mkuu wa Mahakama ya Tanzania, Dkt. John Antony Jingu (kushoto) ambaye ameapishwa kuwa Katibu wa Tume ya Utumishi wa Mahakama. Kulia ni Mtendaji Mkuu Mstaafu wa Mahakama na aliyekuwa Katibu wa Tume hiyo, Prof. Elisante Ole Gabriel.

Jaji Mkuu wa Jamhuri ya Muungano wa Tanzania, Mhe.George Masaju (aliyeketi) akiwa katika picha ya pamoja na sehemu ya Makamishna pamoja na Mjumbe wa Tume ya Utumishi wa Mahakama waliohudhuria katika hafla ya Uapisho wa Katibu wa Tume hiyo, Dkt. John Antony Jingu (aliyesimama wa kwanza kushoto).

Jaji Mkuu wa Jamhuri ya Muungano wa Tanzania, Mhe.George Masaju (aliyeketi) akiwa katika picha ya pamoja na Katibu wa Tume ya Utumishi wa Mahakama, Dkt. John Antony Jingu (wa pili kushoto), Manaibu Katibu wa Tume hiyo, Bi. Enziel Mtei (wa kwanza kushoto) na Bi. Alesia Mbuya (wa kwanza kulia), wa pili kulia ni Mtendaji Mkuu Mstaafu na aliyekuwa Katibu wa Tume ya Utumishi wa Mahakama, Prof. Elisante Ole Gabriel.

Jaji Mkuu wa Jamhuri ya Muungano wa Tanzania, Mhe.George Masaju (aliyeketi) akiwa katika picha ya pamoja na baadhi ya Wajumbe wa Menejimenti ya Tume ya Utumishi wa Mahakama. Aliyesimama katikati ni Mtendaji Mkuu wa Mahakama ya Tanzania na Katibu wa Tume ya Utumishi wa Mahakama, Dkt. John Antony Jingu.

Jaji Mkuu wa Jamhuri ya Muungano wa Tanzania, Mhe.George Masaju (aliyeketi) akiwa katika picha ya pamoja na sehemu ya Watumishi wa Tume ya Utumishi wa Mahakama. Aliyesimama katikati ni Mtendaji Mkuu wa Mahakama ya Tanzania na Katibu wa Tume ya Utumishi wa Mahakama, Dkt. John Antony Jingu.

(Picha na MARY GWERA, Mahakama-Dodoma)