MAHAKAMA KUU DODOMA YAWEKA MIKAKATI YA KUIMARISHA UTOAJI HAKI

Na ARAPHA RUSHEKE – Mahakama, Dodoma

Mahakama Kuu ya Tanzania, Masjala Ndogo Dodoma, imefanya vikao mbalimbali na wadau wa utoaji haki kwa lengo la kujadili hali ya mashauri, changamoto zinazojitokeza katika uendeshaji na kuweka mikakati ya kuimarisha utoaji haki kwa wakati.

Vikao hivyo vilivyofanyika tarehe 18 Septemba, 2026 katika ukumbi wa Mkutano kwenye Kituo Jumuishi cha Utoaji Haki vilijumuisha Kikao cha Bench-Bar, Kikao cha Madalali wa Mahakama pamoja na Wasambazaji wa Nyaraka za Mahakama, na viliongozwa na Jaji Mfawidhi, Mhe. Joachim Tiganga.

Naibu Msajili wa Mahakama Kuu, Mhe Upendo Ngitiri, aliwasilisha hali ya mashauri ya madai na ukazaji hukumu, ikiwemo mashauri yaliyobaki, mashauri ya mlundikano na hatua zinazochukuliwa na Mahakama katika kuhakikisha mashauri yanashughulikiwa na kukamilishwa kwa wakati.

Vikao hivyo pia vilijadili changamoto mbalimbali zinazoweza kusababisha ucheleweshaji wa mashauri, huku wadau wakishirikishana uzoefu na kutoa mapendekezo ya namna ya kukabiliana na changamoto hizo.

Miongoni mwa mikakati iliyosisitizwa ni kuendelea kufanya vikao maalum vya kusafisha mashauri, kupunguza ahirisho zisizo za lazima, kupanga mashauri kwa kuzingatia utayari wake, pamoja na kuimarisha ushirikiano kati ya Mahakam ana wadau.

Vilevile, Mahakama imeendelea kuhimiza matumizi ya njia zinazosaidia kuharakisha usikilizaji wa mashauri, ikiwemo matumizi ya taarifa za mashahidi na mawasilisho kwa njia ya maandishi pale inapofaa.

Akifunga vikao hivyo, Mhe. Tiganga alisisitiza umuhimu wa ushirikiano na uwajibikaji wa kila mdau katika kuhakikisha mashauri yanashughulikiwa kwa ufanisi na wananchi wanapata haki kwa wakati.

Meza Kuu ikiongozwa na Jaji Mfawidhi wa Mahakama Kuu Masjala Ndogo Dodoma, Mhe. Joachim Tiganga (aliyeka katikati). Kushoto kwake ni Naibu Msajili wa Mahakama Kuu Dodoma, Mhe. Upendo Ngitiri na kulia kwake ni Mtendaji wa Mahakama Dodoma.

Meza Kuu ikiongozwa na Jaji Mfawidhi wa Mahakama Kuu Masjala Ndogo Dodoma, Mhe. Joachim Tiganga (aliyeka katikati)ikiwa katika picha ya pamoja na wajumbe waliohudhuria kikao hicho .

Wajumbe walioudhuria wakifuatilia kwa makini kikao hicho.

Jaji Mfawidhi wa Mahakama Kuu Masjala Ndogo Dodoma, Mhe Joachim Tiganga (wa kwanza kulia) akieleza jambo wakati wa kikao hicho. Kushoto kwake ni Naibu Msajili wa Mahakama Kuu Dodoma, Mhe. Upendo Ngitiri.

Meza Kuu ikiongozwa na Jaji Mfawidhi wa Mahakama Kuu Masjala Ndogo Dodoma, Mhe. Joachim Tiganga (aliyeka katikati). Kushoto kwake ni Naibu Msajili wa Mahakama Kuu Dodoma, Mhe. Upendo Ngitiri na kulia kwake ni Hakimu Mkazi Mahakama ya Hakimu Mkazi Dodoma, Mhe. Thurston Kombe, wakiwa katika picha ya pamoja na wajumbe waliohudhuria kikao hicho.

Habari hii imehaririwa na FAUSTINE KAPAMA-Mahakama, Jamaica.