JAJI MFAWIDHI DODOMA AKUTANA NA WATUMISHI WAPYA KADA YA ULINZI

Na MWANDISHI WETU-Mahakama, Dodoma.

Jaji Mfawidhi wa Mahakama Kuu ya Tanzania, Masjala Ndogo Dodoma, Mhe. Joachim Tiganga, jana tarehe 5 Octoba, 2026 alikutana na kuzungumza na watumishi wapya wa kada ya ulinzi waliopangiwa kufanya kazi katika Mkoa wa Dodoma.

Mazungumzo hayo yalifanyika katika ukumbi wa mkutano kwenye Kituo Jumuishi cha Utoaji Haki Dodoma na kuhudhuriwa na Mtendaji wa Mahakama Dodoma, Bw. Bedson Mariba, pamoja na Wakuu wa Vitengo mbalimbali wa Mahakama hiyo.

Katika mazungumzo hayo, Jaji Mfawidhi aliwakaribisha watumishi hao na kusisitiza umuhimu wa kutekeleza majukumu yao kwa uadilifu, weledi na uwajibikaji. Mhe. Tiganga aliwahimiza watumishi hao kuzingatia misingi ya utumishi wa umma na kulinda heshima ya Mahakama.

Jaji Mfawidhi wa Mahakama Kuu ya Tanzania, Masjala Ndogo Dodoma, Mhe. Joachim Tiganga, akisikiliza utambulisho kutoka kwa watumishi wapya (hawapo katika picha).

Mtendaji wa Mahakama Dodoma, Bw. Bedson Mariba, akielekeza jambo wakati wa kuwatambulisha watumishi wa ajira mpya (hawapopichani).

Meza Kuu ikiongozwa na Jaji Mfawidhi wa Mahakama Kuu ya Tanzania, Masjala Ndogo Dodoma, Mhe. Joachim Tiganga (aliyekaa katikati) akiwa katika picha ya pamoja na watumishi ajira mpya. Kushoto kwake ni Mtendaji wa Mahakama Dodoma, Bw. Bedson Mariba na kulia kwake ni Mlinzi Mwandamizi wa Mahakama Kuu Dodoma, Bi Naima Mandai.

Sehemu ya watumishi wa Mahakama Kuu Dodoma pamoja na watumishi ajira mpya wakimsikiliza Jaji Mfawidhi wa Mahakama Kuu ya Tanzania, Masjala Ndogo Dodoma, Mhe. Joachim Tiganga (hayupo kwenye picha) alipokuwa nazungumza na watumishi hao.